Бусад үйлдлүүд

Албан тушаал олох

1. Хүний нөөц программ руу орно.
2. Жагсаалтын цонхноос хэрэглэгч сонгон хулганы баруун товчийг даран Албан тушаал олох-ыг сонгож дарна.
3. Ингэснээр та тухайн ажилтныг байгууллагын бүтэц дотроос ямар албан тушаалд байгааг олно.

Албан тушаалд томилох

1. Хүний нөөц программ руу орно.
2. Жагсаалтын цонхноос хэрэглэгч сонгон хулганы баруун товчийг даран Албан тушаал томилох-ыг дарна.
3. Ингэснээр та тухайн ажилтны одоогийн албан тушаалыг өөрчилж шинэ албан тушаалд томилно гэсэн үг. Тус үйлдлийг зөвхөн холбогдох удирдлагын шийдвэр бүхий албан бичгийг үндэслэн хийх ёстойг анхаарна уу !

Ажилтны төлөв солих

1. Хүний нөөц программ руу орно.
2. Жагсаалтын цонхноос хэрэглэгч сонгон хулганы баруун товчийг даран Ажилтны төлөв солих-ыг сонгож дарна.
3. Гарч ирэх цонхны төлөв дээр даран Идэвхтэй, Тэтгэвэрт гарсан, Жирэмсний амралттай, Урт хугацааны чөлөөтэй, Чөлөөлөгдсөн, Нас барсан зэрэг төлөвүүдээс шаардлагатайг сонгоно.
4. Холбогдох тушаал шийдвэрийн дугаарыг бичээд батлах ажилтнаа сонгоод хадгалах дарна.

Ажилтны мэдээллийг харах горим

1. Хүний нөөц программ руу орно.
2. Жагсаалтын цонхны баруун дээд буланд байрлах Карт горим-ыг сонгоно.

Засварлах горим гэж юу вэ ?

Таны сонгосон хэрэглэгч хүний нөөцийн хувийн мэдээллээ өөрөө засах горимд шилжүүлэхийг хэлнэ. Ингэснээр тус хэрэглэгчид хүний нөөц дээрх өөрийн мэдээллийг шинэчлэх, баяжуулах боломж нээгдэнэ.

Хариуцагч хэрхэн шилжүүлэх вэ ?

Тухайн ажилтныг бүртгэсэн ажилтан л бүх мэдээллийг Засварлах, Төлөв солих, Ээлжийн амралт, Томилолт өгөх гэх мэт хулганы баруун товчны үйлдэл буюу давуу эрхүүд байдаг. Хариуцагч шилжүүлнэ гэдэг нь энэхүү давуу эрхийг олгож буй явдал юм. Эрхээ шилжүүлсэн ажилтан албан тушаал олохоос өөр үйлдэл хийх боломжгүй, унших л эрхтэй болно.

1. Хүний нөөц программ руу орно.
2. Хариуцагчийг нь шилжүүлэх ажилтны нэр дээр очин хулганы баруун товчийг дарна. Гарч ирэх цэснүүдээс Хариуцагч Шилжүүлэх дээр дарна.
3. Хариуцагч шилжүүлэх цонхонд холбогдох мэдээллүүдийг оруулна.
4. Шилжүүлэх ажилтан хэсэгт харьяалагдах ажилтыг /ажилтнуудыг/ оруулна.
5. Хариуцах ажилтан хэсэгт давуу эрх олгох гэж буй ажилтнаа оруулна. Энэ ажилтан нь Хүний нөөц программ дээр Хөтлөн удирдагч байх шаардлагатай.
6. Эрх олгох Хугацаа - г сонгоно.
7. Тайлбар - ыг оруулаад Шилжүүлэх дарна.

Ажилтны гар утасны дугаарыг хэрхэн нуух вэ ?

Зарим удирдлагууд гар утасны дугаараа бусад ажилтнуудад харуулахгүй байх хүсэлт өгдөг бол үүнийг Хүний нөөц хариуцсан ажилтан шийдэх боломжтой юм. Ингэхдээ:

1. Хүний нөөц программ руу орно.
2. Гар утасны дугаарыг нь нуух ажилтны мэдээлэл рүү Дэлгэрэнгүй ороод Хувийн - Үндсэн мэдээлэл-ийг нээнэ.
3. Гар утасны дугаарын ард буй Нээлттэй (Бүх ажилтанд харагдана) гэсэн жижиг цонхон дээр дарж Нууцалсан (Зөвхөн хөтлөн удирдагчдад харагдана) болгоно.

Ажилтныг төлвөөр нь хэрхэн шүүж харах вэ ?

1. Хүний нөөц программ руу орно.
2. Жагсаалтын цонхны дээд хэсэгт байх Идэвхитэй гэсэн дээр дарна.
3. Гарч ирэх Идэвхтэй, Жирэмсний амралттай, Урт хугацааны чөлөөтэй, Тэтгэвэрт гарсан, Чөлөөлөгдсөн, Нас барсан, Бүгд гэсэн сонголтуудаас өөрт шаардлагатайг сонгон дарсанаар тухайн төлөвт байгаа ажилтнуудыг шүүн ялгаж харуулна.

Баганын тохируулгыг хэрхэн хийх вэ ?

1. Хүний нөөц программ руу орно.
2. Жагсаалтын цонхны баруун дээд хэсэгт байрлах гурван цэгтэй товч дээр дарна.
3. Баганын тохируулга дээр дараад Жагсаалтын цонхны тохиргооны Жагсаалтын цонхны нийт багануудаас Харахаар сонгогдсон талбарууд руу шаардлагатайг нэмээд Батлах дарна.

Шүүлтийн мөрийг хэрхэн гаргах вэ ?

1. Хүний нөөц программ руу орно.
2. Жагсаалтын цонхны баруун дээд хэсэгт байрлах гурван цэгтэй товч дээр дарна.
3. Гарч ирэх Шүүлтийн мөрөн дээр дарснаар та ажилтны, нэр албан тушаал, РД-зэргээр баганы тохиргоогоор тохируулсны дагуу ажилтнуудаа шүүж харах боломжтой болно.

Хүний нөөцийн ажилтан солигдоход хийх үйлдлүүд

Байгууллагын хүний нөөцийн ажитан солигдож ажлаа хүлээлгэн өгөхдөө Able систем дээр зайлшгүй хийгдэх ёстой тохиргоо хийгдээгүйн улмаас шинэ хүний нөөцийн ажилтанд ажилтнуудын мэдээллийг засварлах, бичлэг нэмэх, төлөв солих зэрэг хөтлөн удирдах үйлдлүүдийг хийх боломжгүй болох хүндрэл гардаг. Тиймээс хүний нөөцийн ажилтан солигдох үед Хүний нөөц программп зайлшгүй хийсэн байх тохиргоонуудын зааврыг доорх тайлбараар орууллаа.Үүнд:

1. Ажил хүлээлгэн өгч буй хүний нөөцийн ажилтныг системээс чөлөөлнө. Ажилтан чөлөөлөх зааврыг дараах Ажилтны төлөв солих руу орж танилцана уу.
2. Шинэ хүний нөөцийн ажилтныг системд бүртгэнэ. Систем дээр ажил хүлээлцэхийн тулд шинэ ажилтныг системд бүртгэсэн байх шаардлагатай. Ажилтан шинээр бүртгэх руу орж танилцана уу.
3. Шинэ хүний нөөцийн ажилтанд Хүний нөөц программыг хөтлөн удирдах хандалтын тохиргоо хийнэ. Системийн хандалт-ын тохиргоо хийх зааврыг дараах Системийн хандалтын тохиргоог хэрхэн хийх вэ ? руу орж танилцана уу.
4. Шинэ хүний нөөцийн ажилтанд бүх ажилтныг хариуцах тохиргоо хийнэ. Үүний тулд Хариуцагч шилжүүлэх тохиргоо хийсэн байх шаардлагатай. Ингэснээр шинэ хүний нөөцийн ажилтан хариуцаж авсан ажилтнуудын мэдээллийг бүрэн удирдах эрхтэй болно.Хариуцагч шилжүүлэх тохиргооны зааврыг дараах Хариуцагч шилжүүлэх руу орж танилцана уу.

Хүний нөөцийн зургийг хэрхэн татах вэ ?

1. Хүний нөөц программын жагсаалтын цонхноос хулганы баруун дарахад гарч ирэх цэснээс Зураг татах дээр дарна.
2. Зураг дээр хулганы баруун дарж Хадгалах үйлдлийг сонгож татаж авна.

Байгууллага хооронд хэрхэн шилжүүлэн томилох вэ ?

1. Хүний нөөц программын жагсаалтын цонхноос шилжүүлэн томилох албан хаагчийг сонгож хулганы баруун дарахад гарч ирэх цэснээс Шилжүүлэн томилох дээр дарна.
2. Хүлээн авагч байгууллагыг сонгож, шийдвэрийн мэдээллийг оруулж Хадгалах товч дарна.
3. Хүлээн авагч байгууллага хүний нөөц программаас шилжин ирсэн албан хаагчийг Батлах дарж албан тушаалд томилно.

Алба хаах хугацаа сунгасан бүртгэлийг хэрхэн хийх вэ ?

1. Хүний нөөц программын жагсаалтын цонхноос албан хаагчийг сонгож хулганы баруун дарахад гарч ирэх цэснээс Алба хаах хугацаа сунгах дээр дарна.
2. Хэрэв албан тушаал, ажиллах нөхцөл өөрчлөгдсөн бол өөрчлөлт, шийдвэрийн мэдээллийг оруулж хадгална.

Албан тушаал бууруулан томилох үйлдлийг хэрхэн хийх вэ ?

1. Хүний нөөц программын жагсаалтын цонхноос албан хаагчийг сонгож хулганы баруун дарахад гарч ирэх цэснээс Албан тушаал бууруулах дээр дарна.
2. Албан тушаал, ажиллах нөхцөл, шийдвэрийн мэдээллийг оруулж хадгална.

Нөөцөд хэрхэн бүртгэх вэ ?

1. Хүний нөөц программын жагсаалтын цонхноос албан хаагчийг сонгож хулганы баруун дарахад гарч ирэх цэснээс Нөөцөд авах дээр дарна.
2. Тухайн албан хаагчийг ямар албан тушаал дээр нөөцөд авах мэдээллийг оруулж хадгална.
3. Нөөцөд бүртгэлтэй албан хаагчдын мэдээллийг Хүний нөөц программын Нөөцийн ажилчид модулиас харна. Дэд хуудасны хандалт тохиргоогоор нөөц харах эрхтэй хэрэглэгч нөөцийн бүртгэлийг харах боломжтой.
4. Нөөцийн бүртгэлийн тайланг Хүний нөөц программын Тайлан цэснээс Нөөцийн ажилчид гэсэн тайланг сонгож авна.

‍