Өөрөө цагаа бүртгүүлэгчийг хэрхэн нэмэх вэ ?
Өөрөө цагаа бүртгүүлэгч гэж системд нэвтрэн орсон цагаар ирсэн цагийг, бүр гаргасан цагаар явсан цагаа бүртгүүлдэг ажилтныг хэлнэ.
- Цаг бүртгэл программ руу орно.
- Дэлгэцийн зүүн доод хэсэгт харагдах Бусад тохиргоо цэснээс Өөрөө цагаа бүртгүүлэгч дээр дарна.
- Өөрөө цагаа бүртгүүлэгчид цонхны баруун дээд өнцөгт харагдах нэмэх тэмдэг дээр дарна.
- Гарч ирэх Хэрэглэгч нэмэх цонхонд өөрөө цагаа бүртгүүлэх ажилтныг оруулаад Хадгалах дарна.
Жич: Энэ тохиргоог тухайн байгууллагын Системийн удирдагч болон цаг бүртгэл программын Хөтлөн удирдагч хийнэ.
"Өөрөө цагаа бүртгүүлэх" горимоор яаж цагаа бүртгүүлэх вэ ?
Able системд нэвтрэн ороход гарч ирэх тусгай жижиг цонхны Цаг бүртгүүлэх дээр дарна.
Бүртгүүлэхдээ дараах зүйлийг анхаарна уу ! Танай байгууллагын цагийн зааглалт 00:00 үед:
- 00:00 цагаас хойш ажлаа тарах тохиолдолд Цаг бүртгүүлэх ногоон товчны дээр Ажил эхлэх цаг-ийг Ажил тарах цаг болгож өөрчилсний дараа цагаа бүртгүүлэх хэрэгтэй. Ингэснээр таны цаг үнэн зөв бүртгэгдэх болно. Энэхүү сонголтыг хийхгүй бол та 00:20 цагт явсан цагаа бүртгүүлэхэд маргааш өглөөний ирсэн цаг болж орно.
Жич: Та байгууллагынхаа цагийн хуваарийн онцлогт тохируулан зааглалтын цагийг өөрчилж болно.
Өөрөө цагаа бүртгүүлэх боломжгүй ажилтны цагийг яаж бүртгэх вэ ?
- Цаг бүртгэл программ руу орно.
- Цагийг нь бүртгэх гэж буй ажилтны нэр дээр очин хулганы баруун товчийг дарна.
- Гарч ирэх цэсээс Цаг бүртгэх дээр дарна.
- Гарч ирэх Цаг бүртгэх цонхонд холбогдох мэдээллүүдийг оруулан Хадгалах дарна.
Өөрөө цагаа бүртгүүлэгчийг хэрхэн хасах вэ ?
- Цаг бүртгэл программ руу орно.
- Дэлгэцийн зүүн доод хэсэгт харагдах Бусад тохиргоо цэснээс Өөрөө цагаа бүртгүүлэгч дээр дарна.
- Өөрөө цагаа бүртгүүлэгчид цонхонд байх шаардлагагүй ажилтны нэрэн дээр сумаа хүргэхэд Устгах хогийн сав гарч ирнэ.
- Хогийн сав дээр дараад баталгаажуулах цонхны Тийм гэдэг сонголтыг сонгоно.
Жич: Энэ тохиргоог зөвхөн тухайн байгууллагын Системийн удирдагч хийнэ.
