Өргөдөл, гомдол

Өргөдөл, гомдлыг хэрхэн бүртгэх вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Жагсаалтын цонхны баруун дээ хэсэгт харагдах Өргөдөл нэмэх + товч дээр дарна.
4. Гарч ирэх Өргөдөл гомдол нэмэх цонхны Үндсэн, Нэмэлт, Файлууд, Бусад хуудсуудад өргөдөл гомдлын холбогдох мэдээллийг оруулаад Илгээх товч дарна.

Ажилчдаас ирсэн өргөдөл, гомдлыг хэрхэн бүртгэх вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Жагсаалтын цонхны баруун дээд хэсэгт харагдах Өргөдөл нэмэх + товч дээр дарна.
4. Гарч ирэх Өргөдөл гомдол нэмэх цонхны Үндсэн хуудаст харагдах Иргэнээс гэсэн сонголтыг Ажилтнаас болгож өөрчилнө.
5. Ажилтнаас болгонгуут ард нь гарч ирэх Өргөдөл гаргасан ажилтан нүдэнд ажилтны нэрийг бичиж өгнө.
6. Нэмэлт, Файлууд, Бусад хуудсуудад холбогдох мэдээллийг оруулаад Илгээх товч дарна.

Өөрт ирсэн өргөдөл, гомдлыг хэрхэн шилжүүлэх вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Ирсэн бичгүүдийн жагсаалтаас өөрт ирсэн бичиг дээр хулганы зүүн товчны хос даралт хийснээр (эсвэл хулганы баруун товчны Дэлгэрэнгүй-г дарах) өргөдөл гомдлын дэлгэрэнгүй цонх руу орно.
4. Дэлгэцийн зүүн хэсгээс Шилжүүлгүүд-ийг сонгоно.
5. Гарч ирэх цонхны баруун дээд хэсэгт харагдах Шилжүүлэх дээр дарна.
6. Бичгийг шилжүүлэх цонхонд Шилжүүлэх ажилтан болон Удирдлагын заалт-ыг оруулаад Хадгалах товч дарна.

Өөрт ирсэн өргөдөл, гомдлыг хэрхэн өөр байгууллага руу шилжүүлэх вэ ?

Able системийн Албан бичгийн программын стандарт тохиргоонд зөвхөн байгууллага дотроо буюу ажилнууд хоорондоо өргөдөл гомдол шилжүүлэх боломжтой байдаг. Хэрэв та ирсэн өргөдөл гомдлыг өөр байгууллага руу шууд шилжүүлдэг бол бидэнд албан мэйлээр энэ тохиргоог идэвхжүүлэх хүсэлтээ ирүүлнэ үү !

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Ирсэн бичгүүдийн жагсаалтаас өөрт ирсэн бичиг дээр хулганы зүүн товчны хос даралт хийснээр (эсвэл хулганы баруун товчны Дэлгэрэнгүй-г дарах) бичгийн дэлгэрэнгүй цонх руу орно.
4. Дэлгэцийн зүүн хэсгээс Шилжүүлгүүд-ийг сонгоно.
5. Гарч ирэх цонхны баруун дээд хэсэгт харагдах Шилжүүлэх дээр дарна.
6. Бичгийг шилжүүлэх цонхонд Шилжүүлэх ажилтан нүдний ард байрлах гурван цэгтэй цэнхэр товч дээр дарна.
7. Гарч ирэх Шилжүүлэх ажилтан сонгох цонхны зүүн баганад өргөдөл гомдол хүлээн авах байгууллагын нэр хэрэв олдохгүй байвал тус цонхны зүүн дээд буланд харагдах Гадаад сүлжээ буюу ташуу сум дээр дарна.
8. Гарч ирэх цонхны зүүн баганаас өргөдөл гомдол хүлээн авах байгууллагыг, баруун баганаас тус байгууллагын ажилтныг сонгоод Сонголтыг батлах дарна.
9. Бичгийг шилжүүлэх цонхонд Удирдлагын заалт-ыг оруулан Хадгалах товчийг дарна.

Санаандгүй шилжүүлсэн өргөдөл, гомдлыг хэрхэн цуцлах вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Өргөдөл гомдлын жагсаалтаас санаандгүй шилжүүлсэн өргөдөл гомдлын дэлгэрэнгүй цонх руу орно.
4. Дэлгэцийн зүүн хэсгээс Шилжүүлгүүд-ийг сонгоно.
5. Гарч ирэх цонхны баруун дээд хэсэгт харагдах Шилжүүлгийг цуцлах дээр дарна.
6. Үүний дараа Баталгаажуулах асуулт асуух цонх гарч ирэх ба Тийм товчийг дарна.

Өргөдөл, гомдлыг зургаар хэрхэн харах вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Өргөдөл гомдлын жагсаалтаас цахим эх хувиар нь харах гэж буй өргөдөл гомдол дээр очин хулганы баруун товчийг дарна. Эсвэл тухайн өргөдөл гомдлоо сонгонгуут жагсаалтын цонхны зүүн дээд буланд гарч ирэх доошоо сум дээр дарна.
4. Гарч ирэх цэсийн Зургаар харах дээр дарна.

Өргөдөл, гомдлыг яаж хаах вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Ирсэн өргөдөл гомдлын жагсаалтаас өөрт ирсэн өргөдөл гомдол дээр хулганы зүүн товчны хос даралт хийснээр (эсвэл хулганы баруун товчны Дэлгэрэнгүй-г дарах) өргөдөл гомдлын дэлгэрэнгүй цонх руу орно.
4. Дэлгэцийн зүүн хэсгээс Шилжүүлгүүд-ийг сонгоно.
5. Гарч ирэх цонхны баруун дээд хэсэгт харагдах Картыг хаах дээр дарна.
6. Хяналтын картыг хаах цонхонд холбогдох мэдээллүүдийг оруулаад Хадгалах товч дарна.

Санаандгүй хаасан өргөдөл, гомдлыг яаж буцаах вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол дээр дарна.
3. Өргөдөл гомдлын жагсаалтаас санаандгүй хаасан өргөдөл гомдлын дэлгэрэнгүй цонх руу орно.
4. Дэлгэцийн зүүн хэсгээс Шилжүүлгүүд-ийг сонгоно.
5. Гарч ирэх цонхны баруун дээд хэсэгт харагдах Хаалтыг цуцлах дээр дарна.
6. Үүний дараа Баталгаажуулах асуулт асуух цонх гарч ирэх ба Тийм товч дээр дарна.

Өргөдөл, гомдлын тайлан яаж гаргах вэ ?

1. Албан бичиг программ руу орно.
2. Дэлгэцийн зүүн дээд хэсэгт харагдах Өргөдөл гомдол дээр дарна.
3. Гарч ирэх жагсаалтын цонхны баруун дээд хэсэгт харагдах тайлан гаргах товчийг дарна.
4. Тайлан гаргах цонхны Тайлан талбарын 9 төрлийн тайлангаас сонгоно.
5. Түүний доор байрлах бусад сонголтуудыг хийсний дараа Хэвлэх товч дарна.

Танилцаагүй өргөдөл гомдлыг хэрхэн шүүж харах вэ ?

1. Албан бичиг программ руу орно.
2. Дэлгэцийн зүүн хэсэгт харагдах Өргөдөл гомдол модул дээр дарна.
3. Гарч ирэх жагсаалтын цонхны дээд талд харагдах /хайлт/ товчинд хулганы сумаа хүргээд Танилцаагүй бичгүүд дээр дарна.