Teamviewer программ гэж юу вэ ? Түүний боломж ?
Teamviewer бол компьютерийн сүлжээг (интернэт болон дотоод сүлжээ) ашиглан бусдын компьютерийг зайнаас удирдах (remote control) боломжийг олгодог программ юм.
Үүнээс гадна нэлээд өргөн боломжууд бий:
- Алсаас удирдах буюу өөрийн /бусдын компьютерт тусламж авах/өгөх (Remote Support)
- Чатлах буюу мессежээр хоорондоо харилцах
- Файл дамжуулах (File Transfer)
- Видео болон аудио дуудлага хийх
- Онлайн хурал хийх (Presentation)
- VPN (Virtual Private Network) буюу хийсвэр дотоод сүлжээ үүсгэх гэх мэт ...
Teamviewer программыг хаанаас татаж авч компьютертээ суулгах вэ ?
- Программ албан ёсны веб хуудас дээрээ тавигдсан байдаг ба Татах холбоосоор компьютер дээрээ татаж авна.
- Программыг нэг удаал л ашиглах гэж байгаа бол шууд ажиллуулах (Run only)-ыг, харин тогтмол ашиглах бол суулгах (Basic installation)-ыг сонгоорой.
- Дээд хэсгээс Run Only эсвэл Basic instalation-ийг сонгоно.
- Доод хэсгээс Personal / Non-commercial-ийг сонгоод Accept-finish товчийг дарна.
Teamviewer программыг хэрхэн ашиглах вэ ?
- Your ID, Password-ийн ард харгалзах тоонуудыг танд туслах гэж буй хүн рүү илгээнэ.
- Үүний дараа таны явуулсан ID-г танд туслах гэж буй хүн өөрийн teamviewer-ийн дэлгэцийн баруун гар талд байрлах Partner ID гэсэн нүдэнд оруулж Connect to partner дээр дарахад Password асуух ба таны явуулсан Password-ийг мөн оруулах хэрэгтэй болно.
- Амжилттай холбогдсоны дараа таны компьютерын дэлгэц танд туслах гэж буй хүний комьпютер дээр шууд харагдаж таны компьютерыг уг цонхоор дамжуулан удирдана. Удирдахдаа таны компьютер дээр System tools-ийн үйлдлүүдээс бусад унтраах, унтрааж асаах, юм шивэх, программ суулгах зэрэг бүх үйлдлийг хийж болно.
Жич: Энэ программ ажиллахын тулд тухайн 2 компьютер дээр хоёулан дээр нь зэрэг Teamviewer программ ажиллаж байх хэрэгтэй гэдгийг санаарай.
